Ad
Rikthehet në skenë ligji organik për presidentin  Mazhoranca gati të izolojë Metën

Rikthehet në skenë ligji organik për presidentin Mazhoranca gati të izolojë Metën

Ad

Ndërkombëtarët dhe mazhoranca pritet që të ndryshojnë Kushtetutën për të izoluar presidentin Ilir Meta. Ditët e fundit presidenti është hedhur në aksion duke sùlmuar ambasadorët, reformën në drejtësi, ndërsa po ashtu ka dalë me idenë e një referendumi. Sjelljet e tij po rrèzikojnë seriozisht reformën në drejtësi e për këtë arsye mazhoranca dhe ndërkombëtarët janë vënë në lëvizje. Gazeta ka mësuar se PS ka nisur ditët e fundit konsultimet me ekspertët ligjorëdhe anëtarët e Komisionit për Çështjet Ligjore, Administratën Publike dhe të Drejtat e Njeriut. Kjo nismë është ndërmarrë në kushtet e emergjencës, pasi deri në shkarkimin e Metës nga detyra do të duhet shumë kohë, për shkak të vonesave të ngritjes së Gjykatës Kushtetues, e cila ka tagrin e fundit për të vendosur nëse presidenti shkarkohet apo ajo. Kështu që, këto ndryshime shihen si tejet të domosdoshme nga mazhoranca për të kufizuar presidentin Meta.

Ndërkombëtarët dhe mazhoranca plan për të izoluar Ilir Metën, gati të ndryshohet Kushtetuta dhe miratohet ligji për presidentin

Mazhoranca gati të izolojë Metën

Po çfarë kanë prodhuar deri më tani konsultimet e mazhorancës me ekspertët e saj të fushës? Burime nga selia rozë i pohuan gazetës se konsultimet kanë prodhuar dy qasje se si duhet të zgjidhet ngërçi me Gjykatën Kushtetuese. Disa prej ekspertëve kanë sugjeruar ndërhyrje në Kushtetutë e pikërisht në ato nene që lidhen me Gjykatën Kushtetuese, ku ndryshimet mund të prekin ato aspekte që dolën në pah si problematike për të përmbyllur me sukses plotësimin e Gjykatës Kushtetuese. Ndërsa disa prej ekspertëve të tjerë i kanë mëshuar qëndrimit për ndryshime vetëm në ligjin për reformën në drejtësi. Por pikërisht ky propozim është pjesë e rezolutës për presidentin Ilir Meta, miratuar në Parlament, ku thuhet se Kuvendi Shqipërisë në kuadër të frymës zhbllokuese të reformës në drejtësi angazhohet të rishikojë legjislacionin për të penguar krijimin në të ardhmen të situatave që bllokojnë në mënyrë abuzive funksionimin e organeve kushtetuese të vendit. Mësohet se gjithçka po bëhet në konsultim me ndërkombëtarët. Pra, duket qartë që ndërkombëtarët dhe mazhoranca janë gati të ndryshojë Kushtetutën për të izoluar Ilir Metën, në mënyrë që ky i fundit të mos ketë mundësi që të bëjëlojëra dhe të bllokojë institucionet. Megjithatë, mbetet për t’u parë në ditët në vijim se çfarë do të ndodhë më konkretisht.

Rikthehet në skenë ligji organik për presidentin

Por ndryshimet kushtetuese nuk janë e vetmja “ar më” që mazhoranca do të përdorë kundër presidentit Ilir Meta. Mësohet se mazhoranca do të rikthejë në skenë ligjin organik për presidentin. Ky projektligji për presidentin ishte depozituar në Kuvend nga deputeti socialist Ulsi Manja, që në fund të vitit 2016. Por, është tërhequr nga kalendari i Kuvendit. Kështu që, nisur nga situata e tensionuar që ka përfshirë vendin sa i takon lùftës Presidencë-Qeveri, mësohet se mazhoranca do t’i rikthehet pikërisht miratimit të këtij projektligji, i cili përcakton rregullat lidhur me pozicionin e kreut të shtetit, kriteret e përzgjedhjes, pamundësinë në kryerjen e funksionit, procedurën e shkarkimit, ushtrimin e detyrës, statusin e tij, statusin e familjes, organizimin e brendshëm të institucionit, etj. Pra, duket qartë që mazhoranca është e vendosur jo vetëm që ta shkarkojë Metën nga detyra, por në rastin më të keq edhe ta izolojë atë. Kujtojmë që, në seancën e jashtëzakonshme të Parlamentit ku u diskutua dhe miratua rezoluta kundër Metës, kryeministri Edi Rama theksoi se ky Kuvend duhet të marrë masa ligjore kushtetuese, për të krijuar të gjithë mekanizmat zhbllokues ndaj çdo akti flagrant dhe brùtal bllokimi të atij që zyrën e presidentit e ka kthyer në një frëngji për të shantazhuar Parlamentin, për të shantazhuar ndërkombëtarët, për të shantazhuar popullin shqiptar

Authored by: Rrjetat

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *