Ad
Poezia për gruan e shkruajtur   mrekullueshëm nga Petrit Ruka

Poezia për gruan e shkruajtur mrekullueshëm nga Petrit Ruka

Ad

KËNGË PËR GRUAN

Grua ma ke nxirë jetën dhe jetën ta kam nxirë,
Jemi sharë në dritë dhe jemi puthur në errësirë,
Kemi vendosur të ndahemi dhe kemi thënë; e po mirë!
Dhe prapë jemi puthur ashtu si për lamtumirë.

Kemi gënjyer njeri-tjetrin, kemi bërtitur s’të dua,
Kemi pështyrë mbi proverbin që qënkeshim mish e thua,
Kemi mburrur kontratat që bëjnë në Amerikë.
Kemi thënë njëmijë herë; u mbush kupa dhe pikë.

Pastaj jemi përqafuar ; “e po unë isha në gjumë “
Jam futur në mishin tënd siç futet në shkretëtirë një lumë,
Jemi sëmurur dhe fshehurazi i jemi lutur qiellit,
Na është holluar shpirti nga frika si fija e perit.

Dhe prapë jemi zënë sa janë tundur tepsitë,
Kemi ndarë dyshekun me vijë, (ah, vijë e florinjtë,)
Po në errësirë kufirin e kemi shkelur si barbarë
Me dredhi ballkanike që as O.K.B-ëja s’ka parë.

Grua, ma ke nxirë jetën dhe jetën ta kam nxirë,
Ma ke pirë gjithë vrerin dhe helmin ta kam pirë,
Po ja që s’bëjmë dot pa këtë helm të mallkuar
Mos pushofsh kurrë, moj luftë dhe qofsh e bekuar!

~ Petrit Ruka ~

Authored by: Rrjetat

There is 1 comment for this article
  1. ben idri, Fotograf... at 8:39 pm

    Një poezi e mrekullueshme në çdo element letrar, një shkollë Universitare për poetët që duan ti shkruajnë Gruas, femrës në detaje e përgjithësi. Autori është poet me jetë të gjatë dhe të bollshme në fushën e Letërsisë, ku dallohet për poezitë e tia njëra më e bukur se tjetra. Faleminderit autorit Petrit Ruka, për penën e Tij të mrekullueshme, që na mban gjallë ndër vite e vite…

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *