Ad
Elvis Naçi bamirësinë e tij  në një forcë politike por edhe  Turqia

Elvis Naçi bamirësinë e tij në një forcë politike por edhe Turqia

Ad

Imami Elvis Naçi është kthyer tashmë jo vetëm në një klerik, por edhe në një show man, dhe në një bamirës, duke filluar një emision “Shqiptarët për shqiptarët” në News 24 pak kohë më parë, duke ndihmuar familjet e varfëra, duke mbledh donacione nga shqiptarët dhe organizata të huaja.

Së fundi ai bleu edhe spitalin “Kontinental”, duke premtuar se do të ishte në shërbim të njerëzve të varfër.

Me blerjen e këtij spitali u hodhën mjaft dyshime, për burimin e financimit, të ardhurat, investimet e të tjera. Por, gjithësesi kjo ka pak rëndësi për sa kohë, Imami premtoi se ajo do të jetë në shërbim të të varfërve dhe financimet janë dhurata dhe të pastra, ai ka të gjithë të drejtën të ecë përpara në misionin e tij.

Nga ana tjetër, Elvis Naçi është akuzuar edhe si një personazh që mund të përdorej politikisht dhe gjithë bamirësinë e tij ta kthente në një forcë politike, çka do të mundësonte që jo pak njerëz ta ndiqnin në Shqipëri.

Por, edhe këto zëra i mbylli duke deklaruar publikisht se nuk do ta bënte kurrë një gjë të tillë, por do të vazhdonte misionin.

Kështu ka ndodhur edhe këtë javë, pas tërmetit tragjik të 26 nëntorit, ku ai është në krye të misionit për mbledhjen e ndihmave për rindërtimin e Thumanës.

Pas disa emisioneve të vazhdueshme ditët e fundit, ai ka mbledhur rreth 5.2 milion euro, donacione këto të dhëna në llogaritë bankare në Shqipëri, Kosovë, Zvicër, por edhe tek aplikacioni “Gofundme”.

Të gjitha fondet e mbledhura, Elvis Naçi dje ka premtuar se do të shkojnë në Thumanë, dhe se ajo zonë do të rindërtohet e do të kthehet në një zonë ku qytetarët do të jetojnë mëse normalisht.

Ai premtoi se qëllimi i tij final është ndërtimi i 500 banesave, pra mbledhja e rreth 10 milion eurove, çka do të bëntë që atje të rindërtohej një qytet i tërë, ku siç deklaroi dhe vetë ai synonte të ndërtonte atje edhe një obelisk për të gjithë personat që po jepnin financime për personat e prekur nga tërmeti.

Ajo që bie në sy, përtej çdo akuze të hedhur ndaj Elvis Naçit, imamit të xhamisë së Tabakut, një personazh publik, i kthyer në show man, që po mundet të bëjë shumë për njerëzit në nevojë.

Mesazhi i djeshëm për të ndërtuar 500 banesa, është mjaft i fortë dhe një qëllim që duket ambicioz për të dhe fondacionin që ai drejton.

Ai me ndërtimin e këtyre barazon kontributin e dhënë nga qeveria Turke. Pra, një imam i vetëm i ndjekur nga gazetarët dhe Sidrit Bejleri në një emision televiziv, apo edhe gazetarë të tjerë që shpesh shkojnë në emision, me kulturën e tyre thyejnë çdo tabu dhe mbledhin të ardhura sa donacioni i një prej shteteve më të fuqishme të botës.

Pra, miku i kryeministrit Edi Rama, presidenti turk Rexhep Taip Erdogan tha se do të ndërtonte 500 apartamente, të cilat shkojnë në një vlerë nga 10 deri në 15 milion euro, kjo në varësi të formatit të banesave sociale, apo të banesave të reja që do të ndërtohen.

Ndërkohë një imam i vetëm, me një fondacion, me disa miq dhe me besimin në opinionin publik, me një strategji qytetare, ndërton sa ky shtet.

Megjithëse gjithkush, ashtu sikurse thotë imami në media, duhet falenderuar. Edhe ata që japin një, edhe ata që japin 100 lek.

Por, në këtë rast një imam i vetëm po sfidon të gjithë të tjerët vërdallë.

Nuk po flasim për biznesmenët, të cilët me djersën e tyre po falin miliona euro.

Por, ky imam, Elvis Naçi tregon se se ka një besueshmëri të madhe në opinionin publik dhe është një person i besueshëm, me një aktivitet të pastër. Kur bën transparencë për fondet, kur ai premtoi se do të zbardhet gjithçka deri në qindarkën e fundit, mund të sigurosh të tilla të ardhura, mund të sigurosh një mbështetje të tillë, e cila shkon në miliona euro dhe barazon peshën e investimit dhe ndihmën që të jep një nga shtetet më të mëdha në botë, siç ishte rasti i ndihmës së premtuar nga Turqia, për Shqipërinë./ CNA.al

Authored by: Rrjetat

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *