Ad
Çfarë është forca e ligjit  dhe çfarë përmban paketa lexojeni me kujdes

Çfarë është forca e ligjit dhe çfarë përmban paketa lexojeni me kujdes

Ad

OFL (Operacioni Forca e Ligjit) është Njësia Speciale që pas 6 muajsh trainimesh të specializuara dhe stërvitjeje me ngarkesë të lartë fizike, del në terren ditën e hënë për të zbatuar në bashkëpunim me SPAK-un, Ligjin Special të sapomiratuar për masat pasurore ndaj personave të dënuar ose akuzuar për krim të organizuar”, shkruan Rama.

Paketa ligjore për konsolidimin e rendit dhe sigurisë në Shqipëri, e miratuar nga qeveria, parashikon goditjen e njerëzve të krimit të organizuar dhe terrorizimin, në tre drejtime: Bllokimin e pasurisë, izolimin fizik dhe heqjen e të drejtës për të marrë para publike në çfarëdolloj forme. Në shënjestër të aktit normativ janë të gjithë personat e dënuar apo që janë nën hetim për 44 vepra të rënda penale, ku përfshihen organizata kriminale, banda e armatosur, grupet kriminale, vrasjet, organizatat terroriste, rrëmbimet, pengmarrjet, trafiqet e armëve dhe të drogës, prostitucioni, vjedhjet etj. Goditja më e rëndësishme konsiderohet sekuestrimi i pasurive të paligjshme. Çdo pasuri mbi një vlerë të caktuar, e pajustifikuar me të ardhura të ligjshme, parashikohet të sekuestrohet dhe konfiskohet, përmes rregullave dhe procedurave të parashikuara në ligjin anti-mafia dhe Kodin e Procedurave Penale.

Po cilat janë risitë e aktit normativ sa i takon goditjes përmes pasurisë?

-Së pari, akti normativ ngre disa struktura të reja, siç është edhe Komiteti Kombëtar i Koordinimit për Parandalimin dhe Luftën Kundër Krimit të Organizuar, për identifikimin e pasurive të krimit dhe të personave që fshihen pas tyre, duke ndihmuar kësisoj Prokurorinë e Posaçme dhe Gjykatën Speciale, për të mundësuar konfiskimin e pasurive dhe kalimin në pronësi të shtetit.

-Së dyti, parashikohet detyrimi ligjor i të gjithë institucioneve publike për të bashkëpunuar me strukturat e policisë për dhënien e informacionit të kërkuar në kohë reale për pasuritë e botës së krimit.

-Së treti, për herë të parë, personat e dënuar apo nën hetim për 44 veprat penale, duhet të deklarojnë pasurinë pranë Operacionit Forca e Ligjit. Ata, familjarët e tyre dhe çdo person i dyshuar për lidhje me to, duhet të deklarojnë burimet e ligjshme të sigurimit të pasurive, shkakun e posedimit, sqarimin e mënyrës së fitimit të pasurisë dhe çdo informacion tjetër lidhur me pasurinë.

-Së katërti, policia do përgatit dosjen pothuajse të kopsitur për oficerin e policisë gjyqësore dhe prokurorin, duke bërë përshkrimin e pasurisë së dyshuar si e paligjshme, identifikimin e pronarit të dyshuar, deklarimin e personit të dyshuar për pasurinë dhe çdo provë tjetër.

-Së pesti, nisma parashikon për herë të parë detyrimin e prokurorit për t’i kthyer përgjigje policisë për dosjen e pasurisë, brenda 15 ditëve. Prokurori ose i kërkon gjykatës vendosjen e masës së sekuestros, ose kërkon informacion shtesë nga policia ose konstaton mungesën e rrethanave për të vendosur masën e sekuestros.

-Së gjashti, për herë të parë gjykatës i vihet afat për t’u shprehur brenda 15 ditëve kur prokurori i kërkon sekuestrimin e një pasurie.

-Së shtati, për herë të parë caktohet një fat prej 15 ditësh për Gjykatën e Apelit për t’u shprehur, nëse ka ankimim të vendimit të shkallës së parë. Sipas legjislacionit në fuqi, Apelit i dihen muaj, madje edhe vite, për t’u shprehur.

-Së teti, për herë të parë parashikohet që Drejtori i Përgjithshëm i Policisë së Shtetit urdhëron vendosjen e masës së sekuestros edhe pa vendim gjykate, në raste emergjente. Në këtë rast parashikohen afate të ngushta veprimi nga prokurori dhe gjykata, për të vlerësuar nëse vendimi i sekuestros është apo jo i ligjshëm. Brenda 77 orëve policia ia referon çështjen prokurorit. Prokurori duhet të shprehet brenda 15 ditëve. Edhe gjykata duhet të shprehet brenda 15 ditëve.

-Së nënti, parashikohet që gjykata nuk shprehet brenda afatit 15-ditor masa e sekuestros së pasurisë mbetet në fuqi.

-Së dhjeti, parashikohet që në asnjë rrethanë subjektet e aktit normativ nuk mund të përdorin si argument apo provë se të ardhurat për krijimin apo fitimin e aseteve dhe pasurive, objekt hetimi, janë burim i evazionit fiskal.

https://m.facebook.com/story.php?story_fbid=2808411055892031&id=1086767304723090

Po ju sjell më poshtë të përmbledhur 44 veprat penale nga orgnaizata kriminale, vrasja, rrëmbimi, droga, pornografia etj etj që do të jenë fusha e zbatimit të aktit normativ anti-KCK.

Fusha e zbatimit
a)pjesëmarrje dhe kryerje të krimeve nga organizata kriminale, banda e armatosur dhe grupi i strukturuar kriminal, të parashikuara nga kreu XI i Kodit Penal;

b)pjesëmarrje dhe kryerje të krimeve nga organizata terroriste e tëkrimeve për qëllime terrosiste, parashikuar nga kreu VII i Kodit Penal;

c)kryerjen e krimeve të parashikuara në nenet:

Neni 77
Vrasja me dashje në lidhje me një krim tjetër. Vrasja me dashje, që paraprin, shoqëron, fsheh ose pason një krim tjetër

Neni 78
Vrasja me paramendim.

Neni 78.a

Vrasja për gjakmarrje

Neni 79
Vrasja në rrethana të tjera cilësuese

Neni 79/a
Vrasja e funksionarëve publikë

Neni 79/b
Vrasja e punonjësve të Policisë së Shtetit

Neni 79/c
Vrasja për shkak të marrëdhënieve familjare

Neni 109
Rrëmbimi ose mbajtja peng e personit

Neni 109/b
Shtrëngimi me anë të kanosjes ose dhunës për dhënien e pasurisë

Neni 110/a
Trafikimi i personave të rritur

Neni 114
Shfrytëzimi i prostitucionit

Neni 117
Pornografia

Neni 128/b
Trafikimi i të miturve

Neni 134/3
Vjedhja me pasoja të rënda

Neni 136
Vjedhja e bankave dhe arkave të kursimit

Neni 138/a
Trafikimi i veprave të artit dhe kultures

Neni 139
Vjedhja me dhunë

Neni 140
Vjedhja me armë

Neni 141
Vjedhja me pasojë vdekjen

Neni 151
Shkatërrimi i pronës me zjarr

Neni 152
Shkatërrimi i pronës me eksploziv

Neni 278/a
Trafikimi i armëve dhe i municionit

Neni 282/a
Trafikimi i lëndëve plasëse, djegëse dhe helmuese

Neni 283

Neni 283/a
Trafikimi i narkotikëve

Neni 284
Kultivimi i bimëve narkotike

Neni 284/a
Organizimi dhe drejtimi i organizatave kriminale

Shkrimi u mor nga STUDIO LIGJORE PETRAJ & PARTNER’S

https://m.facebook.com/story.php?story_fbid=2808411055892031&id=1086767304723090

Authored by: Rrjetat

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *